Түркістан қаласының әкімі Рашид Абатұлының айтуы бойынша, осы жылдың аяғына дейін барлығы кезекте тұрған тұрғындарға үлестірілмек. Аталған жұмыстар арнайы автоматтандырылған жүйе бойынша жүретін болады. Қазіргі таңда қала бойынша 35 мыңға жуық азамат жер кезегінде тұр. Сонымен қатар, қала әкімінің айтуынша биыл жыл соңына дейін қалада түрлі бағдарлама аясында 1 273 отбасы баспаналы болады. Сондай-ақ, Түркістандағы ескі 40-қа жуық көп қабатты тұрғын үйдің қасбеті толық жөндеуден өтпек. .
-«Жалпы, Түркістан қаласында Құрылыс бөлімі тарапынан 103 нысанның құрылысы жүруде. Негізінен көпқабатты тұрғын үйлер мен кәсіпкерлік нысандардың саны артқан. Сондай-ақ, облыс орталығында спортсүйер қауым үшін «Теннис орталығы» мен ескек есу каналының құрылысы басталады. Олар қаланың микроклиматын жақсартып қана қоймай, туризмнің дамуына сеп бермек. Бұдан өзге, Ана мен бала орталығы, Реабилитациялық орталық және Назарбаев интеллектуалды мектептері қала тұрғындарына қызмет көрсететін болады», — деді Рашид Аюпов.
Айта кетер тағы бір жайт, Рашид Абатұлы қалада 4 бірдей жасанды көл пайда болатынын, оның жаздың аптап ыстығында қаланың ылғалдануына септігін тигізетінін атап өтті.
РЕДАКЦИЯНЫҢ МЕКЕНЖАЙЫ:
