Қазақстан президенті Қасым-Жомарт Тоқаев 12 желтоқсанда Үкіметтің кеңейтілген отырысында министрлер кабинетіне Ұлттық қордың трансфертіне тәуелділіктен біртіндеп арылуды тапсырды, деп хабарлайды Stan.kz.
Мемлекет басшысы бір жылдан кейін Ұлттық қордың инвестициялық табысының жартысын балалардың есепшотына аудару басталатынын еске салды. Оның сөзінше, сол кезде барша азаматтар Ұлттық қордағы ахуалды жіті қадағалап отырады.
“Әрбір азамат – ұлттық байлықтың иесі” деген сөз жай ұран емес. Бұл нағыз халықтық, қоғамдық бақылаудың басталғанын білдіреді. Үкімет те, Ұлттық банк те мұны жете түсінуі керек. Тағы да естеріңізге саламын, алдағы 7 жылда Ұлттық қордың активтері 100 миллиард долларға жетуге тиіс. Сондықтан ақшаны азырақ жұмсап, көбірек табыс табу керек. Қазір бұл мәселеде олқылықтар бар”.
Президент Қазақстан Ұлттық қорының табысы басқа елдермен салыстырғанда әлдеқайда төмен екенін атап өтті.
“Ұлттық қордың кірістілігі соңғы 10 жылда жылдық 1,6%-ды құрады, ал ұқсас Сингапур қорының кірістілігі – 6,4% -ды, норвегиялық қордың кірісі – 7,5% -ды құрады. Бұл басқаруға уәкілетті органдар тарапынан айтарлықтай тиімсіздікті айқын көрсетеді”, – деді президент.
Ұлттық қордың активтері желтоқсан айының басындағы жағдай бойынша 55,8 миллиард долларды құрады.
Тоқаев Ұлттық банкке Үкіметпен бірлесіп, жоғарыда айтылғандарды ескере отырып, Ұлттық қорды басқаруды жетілдіру жөнінде ұсыныстар енгізуді тапсырды.
РЕДАКЦИЯНЫҢ МЕКЕНЖАЙЫ:
