Жақында Төлеби ауданының энциклопеиясы жарыққа шықты. Осыған орай кітаптың таныстырылымы өтіп, тұсаукесер рәсіміне Түркістан облыстық ардагерлер кеңесінің төрағасы Ж.Мәуленқұлов, Түркістан облыстық, Шымкент қалалық архив директорлары, белгілі тарихшылар мен жазушылар, аудандық мәслихат хатшысы Н.Қойбағаров, аудандық ардагерлер кеңесінің төрағасы Ә.Шыңғысбаев, дербес бөлім басшылары, журналистер және де зиялы қауым өкілдері қатысты. Энциклопедияны шежіреші-жазушы Момбек Әбдіәкімұлы бастаған шығармашылық ұжым қысқа мерзім ішінде дайындады.
– «Кітапта ауданның 2000 жылдық тарихы және ауданда туып-өскен, қызмет атқарған 871 тұлғаның өмірбаяны жазылған. Жерлестеріміздің арасынан 3 министр, 2 облыс әкімі шықса, үшеуі ҚР Парламентінің Мәжілісіне, жетеуі облыстық мәслихатқа депутат болып сайланған. Майданға барлығы 11 800 жауынгер аттанған. Ал, аудандағы Батыр аналар» саны – 6316. «Рухани жаңғыру: болашаққа бағдар» бағдарламасы бойынша 27 киелі жер мен төбе бар. Энциклопедияда ауданның әр кезеңдегі тарихы толық қамтылған» деді Момбек Әбдіәкімұлы
РЕДАКЦИЯНЫҢ МЕКЕНЖАЙЫ:
