Кәсіпкерлерден 8 млн астам қаржыны негізсіз алған. Түркістан қаласының тазылығына жауапты «Түркістан Жарық Тазалық» мекемесі 844 кәсіпкерлік субъектілерден төлемді жоғары тарифте алып келгені белгілі болды. Бұл туралы бизнес өкілдері атамекен кәсіпкерлер палатасына шағымданып, араша сұраған. Кәсіпкерлерді қанап келген мекеме жауапқа тартылады ма? Ал бизнесмендердің құқығын кім қорғайды?
Түркістанға облыс орталығы мәртебесі берілгелі Прокуратура 6 мыңға жуық кәсіпкердің заңды мүдделерін қорғаған. Осы сынды мәселемен логистика мәселесі бойынша кедергіге тап болған Түркістан индустриялды аймағындағы бизнес өкілдері «Атамекеннен» көмек сұрайды. Кәсіпкерлер палатасы олардың құқығын қорғамақ болып сауда және интеграция министрлігіне хат жолдапты.
Нұрсұлтан Сәрсенбайұлы, облыстық кәсіпкерлер палатасының кәсіпкерлердің құқығын қорғау және әкімшілік кедергілерді азайту бөлім басшысы:
— Индустриялды аймаққа қатысты мәселелер бойынша палата бірнеше ұсыныстар жолдап қойған. Солардың бірі мемлекеттік бюджеттен қаржы бөлу арқылы темір жол тұйықтарын қайтадан жаңғыртып салдыру. Бұдан бөлек жол, инфраструктура жағынан да мәселелері бар.
Құқығы тапталған мамандардың мәселесін көтеруге Прокуратура мен Атамекен бірлесіп жиын өткізді. Бас қосуда жергілікті атқарушы органдардың бизнеске қолдау көрсетудегі өзектілігі талқыланды.Қаланың бас прокуроры Жаннұр Ахметбектың айтуынша, кәсіпкерлерді қолдау-құқық тәртіпке де оң ықпал ететінін атап өтті.
Жаннұр ахметбек, Түркістан қаласының прокуроры:
— Кәсіпкерлердің құқығын қорғау-бұл прокуратураның маңызды бағыттарының бірі. Кәсіпкерліктің дамуы, іскер адамдардың ылғаюы — бұл жұмыссыздықты азайтып, халықтың жағдайын жақсартып, сонымене қатар қылмыстық ахуалға әсер етеді. Бұл бағыттағы жұмысымыз әрқашан да кәсіпкерлер палатасымен өзара тығыз ынтымақтастықта атқарылады.
Келіп түскен өтінішдерді талдау барысында, өңір кәсіпкерлерінің негізгі проблемалары – жер, салық, мемлекеттік сатып алу, ауыл шаруашылығы мен субсидия алу, мемлекеттік органдардың әрекеті/әрекетсіздігіне қатысты екенін көрсетті. Алайда соңғы жылдары шағымданғандар саны азайған.
Түркістан облысында «Атамекен» ҰКП құрылғаннан бастап кәсіпкерлердің құқығын қорғау мәселелері бойынша 1 188 өтініш келіп түскен. 2019 жылы – 557 бизнес өкілі арызданса, 2020 жылы бұл көрсеткіш 2 есеге азайған. Яғни 269 шағым. Өткен жылы 332 кәсіп құқығын қорғауды сұраса, осы жылы жыл басынан бері 30 адам араша сұрапты. Оның ішінде 664 өтініш оң шешім тауып кәсіпкерлердің 12 млрд. теңгеге жуық сомадағы мүліктік құқықтары қорғалған.
Қазіргі уақытта, дәл осындай мазмұндағы кеңестің 20 отырысы өткізіліп, бизнестің 41 қордаланған мәселесі қаралды. Көтерілген проблемаларды жан-жақты талқылау нәтижесінде жергілікті атқарушы және құқық қорғау органдарына 100 ұсыным енгізіліп, оның 45-і қолдау тауып, кәсіпкерлердің пайдасына оң шешімін тапқан.
РЕДАКЦИЯНЫҢ МЕКЕНЖАЙЫ:
