Талдықорғанда тазы ит ұрлаған азаматтың іс-әрекеті бақылау камерасына түсіп қалған. Аталған оқиға бойынша «Көктал» мөлтекауданының тұрғыны жергілікті полиция бөлімшесіне арызданған еді. Бейнежазбада ер адамның итті көліктің жүксалғышына салып, белгісіз бағытқа алып кеткені анық көрінеді.
Бейнежазба бойынша күдіктіні іздеу жұмыстары нәтижесінде Қарабұлақ ауылының 21 жасар тұрғыны тұтқындалды. Ол қазіргі таңда күдікті қылмысын мойындап, оның үстінен Қылмыстық Кодекстің 188-бабы, 1 бөлімі бойынша қылмыстық іс қозғалды. Ал, ит иесіне қайтарылды.
ҚР ІІМ-нің баспасөз қызметінің мәліметі бойынша, құқық қорғаушылар қазіргі таңда қылмыскердің басқа да ұқсас қылмыстарға қатысы бар-жоқтығын анықтауда.
РЕДАКЦИЯНЫҢ МЕКЕНЖАЙЫ:
