Індеттің төртінші толқыны басталды

Дәрігерлер осылай дабыл қаққан Германияда соңғы бір тәулікте 30 мыңнан астам тұрғыннан вирус анықталған. Осыған байланысты үкімет шұғыл түрде тұрғындарға вакцина салу қарқынын үдету туралы шешім шығарды. Алайда әлі карантиндік шектеулер енгізілген жоқ.

Айта кетсек, қазір елде жасөспірімдердің 60 пайыздан астамы инфекцияға қарсы екпе алған. Одан бас тартқандарға қоғамдық орындарға кіруге тыйым салынған. Соның өзінде күннен-күнге ушығып бара жатқан эпидахуал тұрғындарды қатты алаңдатып отыр.

Йенс Спан, Германияның Денсаулық сақтау министрі:

«Вакциналау мәселесіне келсек, қазір көптеген елдерде екпе жұмыстары аяқталды. Еуропалық дәрі-дәрмек агенттігі мақұлдаған жағдайда біз BioNTech препаратын салуды жоспарлап отырмыз. Өйткені бұл екпе басқа вакциналарға қарағанда тиімді болып отыр».