Түркістан облысы Сауран ауданындағы 12 ауылдық округте жалпы саны 35 елді мекен бар. Құрылғанына жарты жылдай ғана болған жаңа ауданда келер жылы қарқынды құрылыс басталғалы тұр. Сонымен қатар онда инфрақұрылым саласына көңіл бөлініп, табиғи газбен қамту жұмыстары қолға алынады. Бұл туралы брифингте аудан әкімі Ғани Рысбековтің өзі мәлімдеді.
2022 жылы 32 елді мекенде балалар алаңы, футбол алаңы, тенис корты және воркаут орнату жоспарлануда. Ал, ауылдық округтердегі басты көшелерге жарықшамдар орнатылады.
Ғани Рысбеков, аудан әкімі:
«Аудан құрылғалы шалғай ауылдарды да аралап, шешімін таппай тұрған өзекті мәселелер тізбесін жасақтадық. Тұрғындардың мәселелері бойынша іс-шара жоспары бекітіліп, тиісті жұмыстар жүргізілуде. Аудан орталығы Шорнақ елді мекенінен 38 га жер бөлініп, әкімшілік-іскерлік орталығының құрылысы келесі жылы жүргізіледі. Онда аудан әкімі аппараты ғимараты, аумақтық қазыналық мекемесі, прокуратура, сот, аудандық мемлекеттік мекемелерінің ғимараттары және мәдениет үйі орналасады».
Сондай-ақ, ауданда биыл 300 орынға шақталған 3 мектептің құрылысы басталып, Шаға ауылдық округіндегі мектеп қыркүйек айында пайдалануға берілген. Ал Ескі Иқан ауыл округіндегі білім ұясы жыл соңына дейін пайдалануға беріледі деп жоспарланса, Қосмезгіл елді мекеніндегі мектептің құрылысы 2022 жылға өтпелі.
Түркістан облысының Өңірлік коммуникациялар қызметі
РЕДАКЦИЯНЫҢ МЕКЕНЖАЙЫ:
