Түркістанда облыстық WorldSkills Turkistan иновациялық жобалар көрмесі өтті. Оған өңірдің 66 колледжінен 298 студент қатысты. Олар өздерінің қолөнер бұйымдарын, айти технологиялық құрылғылары мен ауылшарушылық техникаларын ұсынды.
Күлжан Омарбаева 30 жылдан бері тігіншілік өнерді оқушыларға үйретіп келеді. Ол Түркістан қаласындағы жоғары көпсалалы қолөнер коледжінің тәлімгері. Оқушылары бүгінгі көрмеге өздерінің көздің жауын алар бұйымдарын ұсынып отыр. Дәлірек айтқанда, ұлттық нақыштағы киімдер, музыкалық аспаптар мен порттреттер.. Осылайша 90 жылдық тарихи бар білім ордасының студенттері 2012 жылдан бері көрмелерден үздік танылып келеді.
Күлжан Омарбаева – Түркістан жоғары көпсалалы қолөнер колледжінің бөлім меңгерушісі:
«Осы көрмеге біз өзіміздің суреттерімізді, табиға талшықтардан жасалған портреттерімізді, жүннен жасалған киімдерімізді , қыштан жасалған бұйымдарымызды алып келдік. Жыл сайын жүлдесіз қайтпаймыз».
Жыл сайын ұйымдастырылатын жобаның мақсаты облыстағы колледжердің құзыреттілігін таныту.Оқушылардың техникалық мамандыққа шақыру. Яғни әр жылы әр мамандықты дәріптеу үшін ұйымдастырылады.
Нұрсұлу Қалиева – Түркістан облысының техникалық елшісі:
«Бұл чемпионат жыл сайын кәсіби бағдар беру үшін көктем айында мектеп балаларына қандай мамандықтардан чемпионат өтіп жатқанын көріп оқуға түсуге шақырады».
Аталған чемпионаттан топ жарғандар республикалық жарыстарға жолдама алады. Сондай-ақ, қаржылай сыйақы беріледі. Бұл студенттердің оқуға ынтасын арттырады дейді мамандар.
РЕДАКЦИЯНЫҢ МЕКЕНЖАЙЫ:
